Florentiae. B. Nat. Conv. Soppr. G.3.803

Saec. XIV, membr., mm. 311 x 246, ff. 150 (recenter numerata), coli. 2, lin. 66 (in prima parte, seu ff. 2-37).

Ligatus est assibus, corio in dorso tectis. Hic etiam habemus duos codices in unum colligatos. Pars prima, seu ff. 2-37, continet Expositionem Guillelmi de Ockham, quae tamen explicit mutila in cap. 7, § 9 secundi libri Perihermenias (infra, p. 491, lin. 167). Senio sequens, seu quarta, incipiebat verbis: "et sic habetur".

Altera pars, seu alter codex, alia manu scriptus, continet (ff. 38ra-148vb) vulgatissimam Summam de casibus Astesani de Asti, O.F.M., quae prima vice Venetiis a. 1468 impressa est.

Origo primi codicis indicatur f. lr: "Iste liber est conventus sanctae Crucis de Florentia, Ordinis Minorum. - Occham super logicam Aristotelis. - Quaedam quaestiones theologales. N° 523. - P l. XII Sin., 11°".